محنشة بسمك البحر سهلة بالصور

تحضير محنشة بالحوت سهلة بالصور

هاد المحنشة كاتجي رائعة حسن من البسطيلة وسهلة لرمضان
أولا الورقة تجي تتقرمش وتجي خفيفة وحتى في الماكلة سهلة المقادير إلي مكتوبين تكفي 6 أشخاص يعني متوسطة الحجم يمكن تعملوها كبيرة إلى بغيتو .

المقادير:  محنشة بالحوت
-500g سمك أبيض أي نوع تفضلون
-250g كلامار
-250g كروفيت
-120g شعرية صينية
- حبة بصلة مقطعة
-حبة طماطم مقطعة
-نصف حبة فلفلة حمراء مقطعة
-علبة صغيرة فقيع فطر مأكول مقطع
-ضرس ثوم مقطع
-شوية قزبر مقطع
-6 حبات سوريمي مقطع دوائر
-القليل من الزيتون الأخضر مقطع دوائر
-زيت وتوابل
نحتاج أيضا للف المحنشة
-8 ورقات الخاصة بالبقلاوة pate de filo
-100g زبدة مدوبة
-أصفر بيضة
الطريقة:
-نضع قدر فيه ماء وورقة سيدنا موسى شوية زعتر يابس القليل من الملح ضرس ثوم نخليه يغلى ونعمل فيه السمك الأبيض ونخليه مدة 10 دقائق من بعد نزولوه ونقيه إلى كان فيه الشوك ونقطعو طريفات ونخليه عجنب
-نعمل الشعرية الصنيية في ماء مع شوية ملح ونخليها 7 دقائق نغسلها بالماء البارد ونقطعها ونخليها تتقطر مزيان
-نمرو للحشوة نضع الكل في مقلة مع البصل الطماطم الفلفلة والفطر المأكول ممكن تستعملو الفطر الاسود كمان او واحد فيهن ضرس الثوم القزبر شوية زيت زتون نعمل التوابل ( ملح فلفل اسود كمون زنجبيل فلفل احمر ) ممكن عمل القليل من الحار paprika تجي لذيذة بالنسبة إلي يبغيو الحار نغطي على المقلة ونخليها طيب مين تنزل البصلة والطماطم نعمل الكلامار مقطع والكروفيت ونرجع نغطي على المقلة حتى تتشرب مزيان نعمل الحشوة في إناء عميق نضيف عليه السمك الأبيض والشعرية والزيتون ونعمل ملعقة كبيرة عصير الحامض ونخلط مزيان ونعملها في شبكة باش ينزل منها الزائد ديال الماء
نمر لمرحلة اللف نأخد 2 ورقات وحدة لاصقة مع وحدة ونزيد فوق كل ورقة ورقة أخرى يعني 4 ندهن الوجه بالزبدة مزيان نضع نصف الحشوة ونلف الورقة على الحشوة ونلوي حتى نوصل للأخر ونعمل أصفر البيض ونلوي باش تشد مزيان غادي نحصل على حربوش نلويوه على نفسو باش نحصلو على شكل محنشة نعملها في صنية مدهونة ناخد 4 ورقات مثل الأول ونفس الطريقة مين نلوي ونحصل على حربوش نلصقه مع المحنشة إلي وضعنا في الصني ونلف عليها الحربوش وتعطينا الشكل المطلوب ندهن المحنشة بالزبدة وندخلها الفرن 180° أنا عملتو من الفوق ولتحت ونخليها حتى تتحمر مزيان ونقدمها سخونة وبالصحة والراحة.